Алматыда әлеуметтік желіде тараған бейнежазбадан кейін оңалту орталығының қызметкері қамауға алынды. Полиция оны балаға қарсы заңға қайшы әрекет жасады деген күдікпен ұстағанын хабарлады, деп жазады Egemen.kz.
Алматы қалалық полиция департаментінің мәліметінше, күдіктінің ұсталған сәті түсірілген бейне Instagram желісінде тарады. Даулы жағдай әлеуметтік желіде оңалту орталығының орталық қызметкерінің балаға күш қолданғаны байқалатын бейне жарияланғаннан кейін туындады. Бейнежазбаны блогерлердің бірі бөліскен.
Алматыдағы жеке оңалту орталығында ерекше балаларды ұрып-соққан
Бейнежазбадан орталық қызметкерінің баланың қолын қайырып, күш көрсеткені көрінеді. Осыдан кейін тәрбиеленушілердің ата-аналары мекемеде мұндай жағдай бір рет қана емес, бірнеше мәрте болған болуы мүмкін деген күдік бар екенін айтқан.
Сәтбаевта балаға буллинг жасаған балабақша қызметкері жұмыстан қуылды
Ата-аналардың айтуынша, бейнежазбаларда балаларға қатысты басқа да зорлық әрекеттері көрініс тапқан.
«Балаларға күш қолдану бір рет қана болмаған. Жаттықтырушы ата-аналардың рұқсатынсыз тікелей эфирге шығып, балаларды көрсеткен. Сонымен қатар тағы бір қызметкердің баланың ішінен ұрғаны байқалатын бейне бар», делінген жарияланымда.
Ата-аналардың сөзінше, орталықтағы көптеген тәрбиеленушінің сөйлеу қабілетінде ақау бар. Сондықтан олар өздеріне не болғанын жақындарына толық жеткізе алмайды.
Қазіргі уақытта аталған дерек бойынша тергеу амалдары жүріп жатыр. Құқық қорғау органдары оқиғаның барлық мән-жайын анықтап жатыр.