Қытайдың Харбин қаласында қыстың қақаған аязын халық мерекеге айналдырып жіберген. Мұнда жыл сайын мұз бен қардан тұтас бір шағын қала тұрғызылады. Кешке қарай түрлі түсті жарық жағылып, мұздан қашалған ғимараттар ертегідей құбылып тұрады.
Бұл көрініс туристерді өзіне қатты тартып отыр. Харбиннің мәдениет және туризм бюросы директорының орынбасары Ма Иннің айтуынша, келушілер соншалық көбейген. Кейбір бағыттарда ұшақ әр 12 минут сайын ұшып жатыр. Пойыз қатынасы да күшейген. Ол былтыр мұнда 68 күнде 90 миллион турист келіп, 19 млрд доллар табыс түскенін айтады. Биыл кіріс бұдан екі есе көп болуы мүмкін деген болжам бар.