«Қазгидромет» РМК 2025 жылғы 5 қыркүйекке арналған ауа сапасы болжамын жариялады, деп хабарлайды, Egemen.kz.
Синоптиктердің хабарлауынша, Қарағанды, Теміртау, Өскемен және Алматы қалаларында, сондай-ақ түнде Астанада қолайсыз метеорологиялық жағдайлар күтіледі.
Мұндай құбылыстар тұман, тымық ауа райы, жеңіл жел немесе инверсия сияқты факторлардың әсерінен ауада зиянды заттардың шоғырлануына әкелуі мүмкін. Соның салдарынан аталған елдімекендерде атмосфераның ластану деңгейі уақытша жоғарылауы ықтимал.