Бұл туралы Ақорданың баспасөз қызметі хабарлады, деп жазады Egemen.kz.
«Астана халықаралық форумының пленарлық отырысы республикалық телеарналардан, сондай-ақ Facebook, YouTube, Telegram әлеуметтік желілеріндегі Ақорданың ресми парақшаларынан тікелей эфирде көрсетіледі. Трансляция сағат 10.30-да басталады», делінген хабарламада.
Айта кетейік, форум Астанада 29-30 мамыр күндері өтеді.
Форумды Қазақстан Республикасының Президенті Қасым-Жомарт Тоқаев ашады.
Астана халықаралық форумы – Орталық Азия аймағындағы ең ірі іс-шара, ол халықаралық күн тәртібіндегі негізгі және өзекті мәселелер бойынша шетел үкіметтерінің, халықаралық ұйымдардың, ірі компаниялардың, іскерлік және академиялық қауымдастықтың жоғары лауазымды делегаттары арасындағы диалог үшін жаһандық алаң болып табылады. AIF-те сыртқы саясат, экономика және қаржы, қауіпсіздік, тұрақты даму, энергетика және климат мәселелері талқыланады.