2025 жылғы 29–30 мамырда Астанада Astana International Forum өтеді. Форум жұмысына Қазақстан Президенті Қасым-Жомарт Тоқаев қатысады. Іс-шара аясында 39 панельдік сессия өтеді, оның 10-ы әлемдік көшбасшылардың қатысуымен ұйымдастырылады, деп хабарлайды Egemen.kz.
Форумның құрметті қонағының бірі – Доха форумының бас менеджері Маха Әл-Кувари. Ол Астана форумына қатысуының маңыздылығын ерекше атап өтті.
«Менің есімім Маха Әл-Кувари және мен Доха форумының бас менеджерімін. 2025 жылғы Астана халықаралық форумына қатысу мен үшін мәртебе. Доха форумы Катар Даму қорымен бірге сессия өткізеді, онда біз жаһандық тұрақтылықты нығайтудың жаңа жолдарын талқылаймыз. Неге қазір? Өйткені геосаяси бөліну, пандемиядан кейінгі қиындықтар мен жеткізу тізбегінің бұзылуы әрбір экономиканы, әсіресе дамушы және аз дамыған елдерге әсер етті. Біздің панелдік сессия үш басымдықты талқылайды. Біріншіден, ешбір ұлтты артта қалдырмайтын инклюзивті даму. Екіншіден, тұрақты даму үшін капиталды ашатын инновациялық қаржыландыру және инвестициялық модельдер. Үшіншіден, Астанадан Дохаға дейінгі тиімді серіктестік, өйткені ынтымақтастық – тұрақты прогрестің кілті болып табылады. Астана сияқты, Доха форумы да әлемдегі ең өзекті мәселелерді шешу үшін көшбасшыларды, ойшылдарды біріктіреді», дейді Маха Әл-Кувари.
Сонымен қатар, Әл-Кувари қонақтарды 2025 жылдың 6–7 желтоқсанында өтетін Доха форумына қатысуға шақырды.