Бокстан Азия чемпионатының бүгінгі жарыс күнінде Жазира Орақбайдың жекпе-жегі алғашы раундта-ақ тоқтатылды, деп жазады Egemen.kz.
Отандасымыз тайпейлік боксшыны бірінші раундта екі рет нокдаунға жіберді. Жазираның жаңбырша жаудырған ауыр соққыларынан кейін төреші жекпе-жекті тоқтатуға мәжбүр болды.
Тайпей өкілі Ю-Тинь Луо үшін Азия чемпионаты осы кезеңде аяқталды.
52 келіде ел намысын қорғайтын Жазира Орақбай жартылай финалда бақ сынайды.