ТЖМ қызметкерлері Талдықорған қаласындағы көпқабатты үйлердің бірінде ересектердің қарауынсыз қалған баланы құтқарды, деп хабарлайды Egemen.kz.
Бүлдіршін 5-қабаттағы пәтердің балконында қамалып қалған.
Арнайы жабдық арқылы пәтерге кіріп, есікті аша алған құтқарушылардың үйлесімді іс-қимылы нәтижесінде бала ата-анасына аман-есен тапсырылды. Бала зардап шекпеген, медициналық көмекті қажет етпеген.