Одан бөлек ондаған мың адам жарықсыз қалып, талай үй жермен-жексен болды. Оклахоманың өзінде 100 шақты тұрғын түрлі дене жарақаттарын алды, деп жазады Egemen.kz Qazaqstan ұлттық арнасына сілтеме жасап.
АҚШ Ұлттық метеорология қызметі қазір 7 миллиондай адамға торнадодан қауіп төніп тұрғанын ескертті.
Ал Шығыс Техастан Иллинойс пен Висконсинға дейінгі аралықта тұратын 47 миллион америкалыққа алапат дауыл соғатыны, жауын құятыны және бұршақ жауатыны хабарланды.
Сондай-ақ Техастан Канзас пен Миссуриге дейінгі кеңістікте 40-қа жуық торнадо соғуы мүмкін.