Қарағанды облысында бірден төрт елді мекен карантинге жабылды, деп хабарлайды Egemen.kz Almaty.tv сайтына сілтеме жасап.
Жылқылар арасында эпизоотиялық лимфангит тарағаны белгілі болды. Үміткер ауылының тұрғындары мәселені былтыр көктемде айтқан болатын. Кейіннен індет Ұлға, Төрткөл, Ынталы ауылдарындағы малдан анықталды. Ол кезде 180-нен астам мал өлген.
«Зертханалық қорытынды бойынша, бұл эпизоотиялық лимфангит екені дәлелденді. Бұл ауруға қарсы вакцина биологиялық қауіпсіздік проблемалары ғылыми-зерттеу институтында жасалған. Препарат зертханалық тексеруден өткен. Бұл вакцинамен сау малды егетін боламыз», дейді ветеринариялық бақылау және қадағалау комитетінің облыстық инспекциясының басшысы Ержан Бекетбаев.