Шымкент қаласында Ерімбетов, 38 көшесіндегі тұрғын үйдің ауласынан ер адамның мәйіті табылды, деп хабарлайды Egemen.kz.
Оtyrar.kz порталының жазуынша, жергілікті тұрғындар оқиға туралы 1 мамыр күні сағат 16.00 шамасында полицияға хабарлаған.
Оқиға орнына жеткен тәртіп сақшылары мәйітті бастапқы тексеру кезінде зорлық-зомбылық белгілерін анықтаған жоқ.
Полицейлер марқұмның жеке басын анықтады. Ол 1984 жылы туған, еліміздің азаматтығын алған Өзбекстан тумасы болып шықты. Әзірге өлімнің нақты себебі анықталған жоқ.