Қазақстан Қорғаныс министрі генерал-полковник Руслан Жақсылықов ҰҚШҰ Сыртқы істер министрлері кеңесінің, Қорғаныс министрлері кеңесінің, Қауіпсіздік кеңестері хатшылары комитетінің бірлескен отырысына қатысты, деп хабарлайды Egemen.kz.
Талқылау қорытындысы бойынша тараптар Ұйым шеңберіндегі практикалық өзара іс-қимылды нығайтуға бағытталған құжаттарға қол қойды. Бұдан соң, ҰҚШҰ саммитінде Мемлекет басшыларының қарауына ұсынылатын құжаттар жобасы келісілді.
Сонымен қатар Қорғаныс министрі армениялық әріптесі Сурен Папикянмен кездесті. Тараптар екіжақты әскери ынтымақтастық мәселелерін қарастырды.