Алматы қаласындағы Жұмабаев көшесінде көлік қозғалысы уақытша шектеледі, деп хабарлайды Egemen.kz қалалық мобилділік басқармасына сілтеме жасап.
«Жол жөндеу жұмыстарының жүргізілуіне байланысты 23-26 шілде аралығында түнгі уақытта сағат 22:00 мен 08:00 аралығында Жұмабаев көшесінің Солтүстік айналма көшесінен Сейфуллин даңғылына дейінгі бөлігінде көлік қозғалысы уақытша шектеледі. Аталған жұмыстар орташа жол жөндеу жұмыстары аясында жоспарланған», делінген хабарламада.