Елордадағы «Дәулет» теннис орталығында ұйымдастырылған ITF World Tennis Tour M25 турнирі мәреге жетті.
Жүлде қоры 25 мың АҚШ долларына бағаланған жарыстың финалында 21 жастағы қазақстандық теннисші Бейбіт Жукаев ресейлік Алибек Качмазовпен бас жүлдені сарапқа салды. Бейбіт үш сағатқа созылған матчта 3:6, 7:6 (7:5), 6:7 (4:7) есебімен қарсыласына есе жіберді. Бәсеке барысында Жукаев 23 эйс жасағанымен, 4 брейк-пойнтты пайдалана алмады.
Осы жарыстың финалына дейін жеткен Ақтау теннис мектебінің түлегі дүниежүзілік рейтингте 597-орынға көтерілді.