Нұр-Сұлтанда арнайы техника жолаушылар автобусына соқтығысып, салдарынан үш жолаушы зардап шекті, деп хабарлайды Egemen.kz.
CTS қалалық көлік компаниясы мәліметінше, оқиға сағат 13.30-да Тәшенов көшесі мен Республика даңғылы қиылысында болған.
«Арнайы техникамен (трактор) №2 автобус соқтығысқан. Оқиға салдарынан түрлі дене жарақаттарымен үш жолаушы ауруханаға жеткізілді», деді компанияның баспасөз қызметі өкілдері.
Іс материалдары процессуалдық шешім қабылдау үшін полиция бөліміне жолданатыны айтылды.