ФИФА футзалдан әлем чемпионатын 2021 жылға ауыстырды. Турнир 12 қыркүйек пен 3 қазан аралығында өтеді. Бұл туралы Olympic.kz хабарлады.
Қазіргі әлем чемпионы атағы 2016 жылы топ жарған Аргентинаға тиесілі. Әлем чемпионатына 24 команданың 13-і жолдама алып үлгерді. Оның ішінде, Қазақстан құрамасы да бар.
Коронавирус індетінің етек жаюына байланысты Азия чемпионаты кейінге қалдырылды.
Айта кетейік, Қазақстан командасы элиталық раундтың іріктеу турнирінде алты ұпаймен D тобында көш бастады. Қазақстанмен бірге Чехия, Румыния, Словения сынға түсті.