Президент Қасым-Жомарт Тоқаев Қазақстан халқына Жолдауында оқушыларды сапалы оқулықпен қамтуды тапсырды.
«Оқулық сапасының төмендігі өзекті мәселе. Оқушыларды сапалы оқулықпен қамтамасыз ету - тиісті министрліктің тікелей міндеті. Мұғалімдер мен оқытушылардың әлеуметтік жағдайын жақсартпасақ бұл шаралар жүзеге аса қоймайды. Сондықтан мен Тамыз конференциясында алдағы төрт жыл ішінде мұғалімдердің еңбекақысын 2 есеге арттыруды тапсырдым. Бұл келесі жылдан бастап ұстаздардың жалақысы 25 пайызға дейін өседі деген сөз», деді Қасым-Жомарт Тоқаев өз Жолдауында.