4-5 сәуір күндері Гонконгта регби-7 спорты бойынша әйелдер арасындағы әлемдік серия турниріне іріктеу сыны өтеді деп хабарлайды Olympic.kz.
Аталған сынға Қазақстан әйелдер командасы да аттанып кетті. Біздің құрама Аргентина, Бразилия және Польшамен бірге С тобына түскен. Жарысқа жалпы есебі 12 команда қатысады. Топтық кезең қорытындысы бойынша 8 үздік команда плей-офф кезеңіне жолдама алмақшы. Турнир жеңімпазы регби-7 бойынша өтетін әлемдік серияның келесі маусымына еш іріктеусіз қатысатынын еске саламыз.