АСТАНА. 13 қаңтар. Ауғанстанның Кандагар қаласында теракт ұйымдастырмақ болғандардың ізіне түскен құқық қорғау органының қызметкерлері жарылыстың алдын алды. Бұл туралы ria.ru сайтына сілтеме жасаған egemen.kz тілшісі хабарлады.
Қақтығыс кезінде, содырлар тобынан 4 адам қолға түсіп, алтауы түрлі жарақат алды. Ал құқық қорғау органының қызметкерлерінен ешкім зардап шеккен жоқ.
Айта кетейік, оқиға сейсенбі күні Ауғанстанның оңтүстігіндегі Кандагар провинциясына қарасты Горак елді-мекенінде болды. Тәртіп сақшылары ұсталғандардан қару-жарақаттың түр-түрін тәркіледі. Арасында өзін-өзі жарып жіберушілердің белдігі, сондай-ақ, жарылғыш заттарға толы автокөлік бар.
Аян Әбдуәли.
Дерек, сурет: ria.ru.