Осы жылдың 27 тамызында Бас прокуратураның орталық аппараты ішкі қауіпсіздік қызметінің материалдары негізінде, Қазақстан Республикасының Ұлттық қауіпсіздік комитеті қызметтік құпияны заңсыз тарату дерегі бойынша Бас прокуратураның департамент бастығы Мұсабеков Мұратқа қатысты қылмыстық іс қозғап, тергеу амалдарын жүргізуді бастады. Оған Қазақстан Республикасы Қылмыстық кодексінің 172 және 308-баптары бойынша айып тағылды. Қылмыстық іс материалдарының құпиялылығына байланысты тергеу ісі жабық жағдайда өтуде.
28 тамыз күні Астана қаласының Сарыарқа аудандық соты Мұсабековтің тұтқындалуына рұқсат берді. Аталған шешімді Астана қаласының соты қарап, өзгеріссіз қалдырды.
ҚР ҰҚК баспасөз қызметі.