Наурыз мейрамы қарсаңында «Жолаушылар тасымалы» АҚ қосымша электрпойыздарды іске қосып, бірқатар пойыздың құрамын ұлғайтады, деп хабарлайды Egemen.kz.
Мереке күндері келесі қосымша қала маңындағы пойыздар қатынайды:
• 2026 жылғы 20 және 21 наурыз – №7510 «Астана – Павлодар» электрпойызы;
• 2026 жылғы 25 наурыз – №7509 «Павлодар – Астана» электрпойызы;
• 2026 жылғы 25 наурыз – №6803/6804 «Астана – Атбасар» электрпойыздары;
• 2026 жылғы 25 наурыз – №887/888 «Нұрлы жол – Бурабай курорты» электрпойызы.
Сонымен қатар, 2026 жылғы 20, 22 және 24 наурыз күндері №606/605 «Қарағанды – Балқаш» жолаушылар пойызының құрамына екі қосымша вагон (1 купе және 1 плацкарт) тіркеледі.
«Наурызнама»: Елордада Көрісу күні қалай атап өтіледі?
Нәтижесінде жолаушыларға қосымша 2177 орын ұсынылады. Бұл мереке күндері теміржол тасымалына деген жоғары сұранысты қамтамасыз етіп, жолаушылардың сапарын барынша жайлы ұйымдастыруға мүмкіндік береді.
Наурыз мерекесі қарсаңында қосымша пойыздар жолға шығады
Билеттерді bilet.railways.kz ресми сайтынан, сондай-ақ, «Жолаушылар тасымалы» АҚ билет кассаларынан комиссиясыз сатып алуға болады. Қосымша ақпаратта 1433 нөмірі арқылы беріледі.