Ұлттық валюта Конституцияда қорғалуға тиіс. Бұл туралы Мәжіліс депутаты Нұртай Сабильянов Конституциялық реформа жөніндегі комиссияның сегізінші отырысында айтты, деп хабарлайды Egemen.kz.
Ол теңгенің тек ақша айналымының негізі ғана емес, сонымен бірге оның тұрақтылығын қамтамасыз ететін эмиссиялық орган – Қазақстан Республикасы Ұлттық Банкінің рөлін Конституцияда нақты көрсету қажеттігін атап өтті.
Жаңа Конституцияда теңгені ұлттық валюта ретінде бекіту ұсынылды
Оның пікірінше, Ата Заңда цифрлық қаржы құралдары мен виртуалды активтердің дамуын ескере отырып, ұлттық валютаны нақты көрсету маңызды. Сондықтан ол бұл норманы конституциялық деңгейде бекітуді қажет деп есептейді.
«Ұлттық валютамен қатар эмиссиялық органның да айқындалуы экономикалық өзгерістерге төтеп бере алатын тұрақты қаржы жүйесінің негізін қалайды. Осыған байланысты «Конституциялық құрылыс негіздері» деген1-бөлімде теңгенің мәртебесін төмендегідей редакцияда бекіту ұсынылады: «Қазақстан Республикасының ақша бірлігі, ұлттық валютасы – теңге. Қазақстан Республикасының Ұлттық Банкіне теңге эмиссиясының айрықша құқығы тиесілі», деді депутат.
Осылайша, Нұртай Сабильянов комиссия мүшелерін ұлттық валютаның қорғалуы мен қаржы жүйесінің сенімділігін қамтамасыз етуге шақырды.
Конституциялық реформаға көзқарас: Қоғамның пікірі қандай?