Қазақстан боксшылары 2028 жылғы Олимпиадаға АҚШ-та дайындалады

Қазақстан бокс федерациясының бас хатшысы Мерей Ақшаловтың мәлімдеуінше, биыл ерлер мен әйелдер құрамасы жоспарланған барлық жарыстарға қатысып, World Boxing және IBA аясындағы турнирлерде табысты өнер көрсетті.

World Boxing: Махмұд Сабырхан «Жылдың үздік боксшысы» атағына ұсынылды

Алдағы уақытта спортшылардың дайындығына қатысты стратегиялық өзгерістер енгізілмек. Биылдың өзінде төрт боксшы Америкада бір жарым ай бойы тәжірибе жинақтап қайтты. «2028 жылы Олимпиада АҚШ-та өтетіндіктен, біз спортшыларымызды сол жаққа жүйелі түрде жіберіп тұрамыз. Бұл боксшылардың жергілікті жағдайға бейімделуіне және шеберліктерін шыңдауына септігін тигізеді», деді Мерей Ақшалов.

Еске салайық, Аида Әбікеева әйелдер арасындағы 2025 жылдың үздік боксшысы атанды.