Бұл туралы Орталық коммуникациялар қызметі (ОКҚ) алаңындағы баспасөз-конференциясы барысында өңір әкімі Нұрымбет Сақтағанов айтты, деп хабарлайды Egemen.kz
Облыс басшысының айтуынша, Зайсанда әуежай құрылысы 60%, ал Катонқарағайда 55% аяқталған.
Ұшып-қону жолақтары салынған, ал перрон, аэровокзалдардың құрылысы жүргізіліп жатыр, жыл соңына дейін аяқталмақ. Сонымен қатар, «ҚазАэроНавигация» қажетті жабдықты монтаждау жұмыстарын жүргізіп жатыр.
«Келесі туристік маусымның бастапқы тұсында, яғни сәуір-мамыр айларынан бастап әуежайлар алғашқы ұшақтарды қабылдайды деп ойлаймын», деді Н.Сақтағанов ОКҚ алаңында қойылған сұраққа берген жауабында.