Елорда прокуратурасы психикалық ауруы бар деп танылып, қылмыстық жауапкершіліктен босатылған 6 адамның қолданыстағы жүргізуші куәлігі бар екенін анықтады, деп жазады Egemen.kz.
Оларға қатысты азаматтық талап-арыз қанағаттандырылып, көлік құралын басқару құқығы тоқтатылған.
Прокуратураның талдау нәтижелері бойынша Қылмыстық кодекстің 16 және 91-баптарына өзгерістер енгізу ұсынылды. Бұл өзгерістер сотқа психикалық ауруға байланысты қылмыстық жауаптылықтан босатылған адамдарға қатысты көлік құралын басқару құқығын тоқтату мәселесін қатар қарауға мүмкіндік береді.
Астана қаласында медициналық қарсы көрсеткіштерге байланысты 76 адамға көлік басқаруға шектеу қойылған.