Ақтоғай ауданына қарасты Қызыларай ауылының тумасы, кәсіпкер Серік Қасымбеков туған еліне тарту жасап, 60 миллион қаражатқа заманауи спорт кешенін салып берді. Ел еңсесін көтерген бұл жаңалық ауыл тұрғындары үшін зор қуаныш, деп жазады Egemen.kz.
Қызыларайда бой көтерген еңселі ғимарат заман талабына сай жабдықталған. Жалпы аумағы 416 шаршы метрді құрайтын спорт кешенінде волейбол, баскетбол, мини-футбол ойнауға арналған алаңдар қарастырылған. Бұл кешен – тек спортпен шұғылданатын орын ғана емес, ауыл жастарының бос уақытын тиімді ұйымдастыруға, саламатты өмір салтын ұстануға мүмкіндік беретін жаңа кеңістікке айналмақ.Спорт кешенінің салтанатты ашылуында ауылдастары атымтай азаматтың астына ат мінгізді.
Қарағанды облысы