«Жеңістің» әйелдер командасының футболшысы 19 жастағы Виктория Кайсаринова жол апатынан қаза тапты, деп хабарлайды Egemen.kz.
Команданың хабарлауынша, Қайсаринова 23 қыркүйекте Астана мен Павлодарды байланыстыратын тас жолда болған жол-көлік оқиғасы салдарынан қайтыс болған. Көліктің жүргізушісі қауіпсіздікті қамтамасыз етпей және дұрыс қашықтықты сақтай алмағандықтан, жүк көлігімен соқтығысқан.
«Бұл жағдайға әлі де сену қиын. Бұл біздің бүкіл клуб үшін ауыр және орны толмас қаза. Виктория жарқын ойыншы және нағыз дос болды. Біз оның отбасымен, туыстарымен және жақындарымен бірге қайғырамыз. Ол біздің жүрегімізде мәңгі сақталады», делінген хабарламада.