Ел Конституциясының 30 жылдығы қарсаңында Жәңгір хан атындағы Батыс Қазақстан аграрлық-техникалық университетінде дөңгелек үстел басындағы кездесу өтті, деп хабарлайды Egemen.kz.
Жиынға университет проректоры Ақылбек Сұлтанов, БҚО қоғамдық даму басқармасы басшысының орынбасары Гүлжанар Шөкеева, профессор-оқытушылар құрамы және студенттер қатысты.
- Бұл күн – барша қазақстандықтың құқығы мен бостандығын, бірлігі мен татулығын арқау еткен маңызды мереке. Осыдан отыз жыл бұрын қабылданған Конституция тәуелсіз Отанымыздың зайырлы, құқықтық және біртұтас мемлекет ретіндегі негізін қалағаны баршаға мәлім. Мемлекет Басшысы Қасым-Жомарт Тоқаев «Ата Заң – мемлекеттілігіміздің берік тұғыры, еліміздің дәйекті әрі тұрақты дамуының мызғымас кепілі» деп атап айтқан болатын. Басты құжатта ұлттар достығы, қоғамдық және рухани келісім, саяси тұрақтылық сынды ерекше құндылықтар айқын көрініс тапқан, – деді университеттің тәрбие және әлеуметтік жұмыстар жөніндегі проректоры Ақылбек Ұзақбайұлы.
Ата Заңды ардақтауға арналған жиында БҚО қоғамдық даму басқармасы басшысының орынбасары Гүлжанар Болатқызы, Жәңгір хан атындағы тарихи-этнографиялық музейдің меңгерушісі, магистр Мейрам Оспанов, аға оқытушы Ғалия Сарқұлова, аға оқытушы, философия докторы (PhD) Мақсот Жанғожиевтер сөз сөйлеп, Конституцияның тарихи қалыптасу кезеңдеріне, даму бағыттарына, соңғы жылдары енгізілген өзгерістер мен толықтырулар туралы айтты.
Батыс Қазақстан облысы