«Қазгидромет» РМК баспасөз қызметі Қазақстан бойынша 2025 жылғы 30 тамыз – 1 қыркүйек аралығына арналған ауа райы болжамын ұсынды, деп хабарлайды Egemen.kz.
«Жылы күндерден кейін Қазақстан аумағына батыс антициклон ығыса бастайды. Суық ауа массаларымен толығып, ол еліміздің басым бөлігінде температураның айтарлықтай төмендеуіне әкеледі. Солтүстік пен шығыс өңірлерде күндізгі уақытта ауа температурасы +12…+17 градусқа дейін төмендейді. Тіпті оңтүстік аймақтарда да ыстықтың бәсеңдеуі +23…+28 градусқа дейін күтіледі», делінген хабарламада.
Ал батыс өңірлер ғана Иран аумақтарынан келетін жылы ауа массасының ықпалында болады. Бұл аймақтарда ауа температурасы біртіндеп көтеріліп, қатты ыстыққа – +32…+37 градусқа дейін жетеді деп болжанып жатыр.