Қытайдың Хэнань провинциясында Сяогуй атты тотықұс Гиннестің рекордтар кітабына енді. Ол түстерді ажыратудан әлемдік рекорд орнатты.
Сяогуй небәрі 33,50 секундта 10 түрлі-түсті затты дұрыс ретпен орналастырып шыққан. Гиннесс өкілдері бұл көрсеткішті ресми түрде тіркеп, Сяогуйге әлемдегі ең «зерек құс» деген атақ берді. Тотықұстың иесі оны ұзақ уақыт бойы жаттықтырып, түстерді ажыратуға үйреткен.