Өткен түні Шымкент қаласы Абай ауданы әкімдігінің ғимаратынан өрт шыққан. Қалалық ТЖД хабарлауынша өрт туралы ақпарат «112» арнасына сағат 03: 16 шамасында түскен, деп жазады Egemen.kz.
Шымкент қаласы, әл-Фараби ауданы, Тәуке хан даңғылы №3 мекенжайында орналасқан әкімдік ғимаратындағы қызыл жалынды сөндіруге ТЖД-ның 21 техникасы мен 88 қызметкері, апаттар медицинасы орталығынан 1 техника және 3 маман, жергілікті атқарушы органдардан 2 техника және 2 қызметкер жұмылдырылған.
Өрт 1200 шаршы метр аумақты шарпыған.
«Өрт сағат 04:58-де оқшауланып, 05:27-де толық сөндірілді. Қаза болғандар мен зардап шеккендер жоқ. Өрттің шығу себебі анықталып жатыр», деді Шымкент қаласы ТЖД бастығының орынбасары азаматтық қорғау полковнигі Бекзат Қамбаров.