Қостанайда пәтерлердің бірінде ер адамның мәйіті мен ауыр жараланған бала табылды. Белгілі болғандай, марқұм ол үйде тұрмаған, деп хабарлайды Egemen.kz.
Куәгерлердің айтуынша, ер адам пәтерге баса-көктеп кіріп, ондағы баланы ауыр жарақаттаған болуы мүмкін. Оқиғаның мән-жайын полиция анықтап жатыр.
- Полиция кәмелетке толмаған адамның денсаулығына ауыр зиян келтіру және мәйітті табу фактісі бойынша сотқа дейінгі екі тергеуді бастады. Қазіргі уақытта барлық қажетті тергеу әрекетті жүргізіліп жатыр. Өзге ақпарат жария етілмейді, - дейді Қостанай облысы полиция департаментінің баспасөз қызметі.