2025 жылдың алғашқы алты айында Қазақстанда көліктің барлық түрімен 928 миллион жолаушы тасымалданған. Бұл өткен жылдың сәйкес кезеңімен салыстырғанда 10,5%-ға артық, деп жазады Egemen.kz.
Автомобиль және қалаішілік көліктер әлі де ең көп сұранысқа ие: 2025 жылы автобустар, таксилер, шағын автобустар мен троллейбустар 911,1 млн жолаушыны тасымалдады, бұл 2024 жылмен салыстырғанда 10,7%-ға артық.
Жүк тасымалдау көлемі шамамен 11%-ға өсті. Мәселен, бірінші жартыжылдықта 550,8 млн тонна жүк тасымалданды, бұл өткен жылдың сәйкес кезеңінен 10,9%-ға артық. Дәнді дақылдар, көмір, түсті және қара металдар, құрылыс жүктері, мұнай өнімдері және т.б. ең көп тасымалданды.