АҚШ-та телефонға шектен тыс телміргендердің саусағын қысып қалатын сақина шықты.
Жүзіктің ішкі жағында орналасқан ұсақ тікенектер телефонды ұзақ ұстап отырған кезде саусаққа жайсыздық тудырады, бірақ ол теріні зақымдамайды. Мақсаты – адамды шексіз жаңалықтар лентасын парақтай беретін дағдыдан арылту. «Бұл жазалау емес. Бұл – шынайы өмірге қайта оралу үшін жасалатын ескерту», дейді әзірлеушілер. Қазірдің өзінде мыңдаған адам осы «Pinky Promise Ring» деп аталатын өнімге тапсырыс беріп үлгерген.