2025 жылғы 17 шілдеде медицина қызметкеріне шабуыл жасау дерегі бойынша ұсталған азаматқа қатысты бұлтартпау шарасы ретінде қамауға алу таңдалды, деп жазады Egemen.kz.
Қазіргі уақытта күдікті тергеу изоляторына қамалды.
Аталған дерек бойынша тергеу амалдары жалғасып жатыр. Барлық қажетті тергеу әрекеттері жүргізілуде.
«Ұсталған адамның әрекеті Қазақстан Республикасы Қылмыстық кодексінің 106-бабы — «Денсаулыққа қасақана ауыр зиян келтіру» бойынша саралануда. Тергеу нәтижелері бойынша заңнамаға сәйкес тиісті процессуалдық шешім қабылданатын болады», – деп хабарлады ведомство өкілдері.