Қытайда бар-жоғы жиырма сегіз сағат қырық бес минутта көпқабатты тұрғын үй салынды.
Осы уақыт ішінде көпқабатты үйді ғана емес, барлық инженерлік жүйені қосып, әр бөлмеге жиһаз да орнатып үлгерген. Құрастырмалы үй мейлінше берік, жер сілкінісіне төзімді, қуат үнемдейтін етіп жасалған. Қабырғалары 22 см қалыңдықтағы жылу оқшаулағыш материалмен қапталған, ал терезелерінде күн сәулесінен қорғайтын арнайы көлеңке панельдері бар. Ресми мәлімет бойынша, бұл үй мың жылдан астам уақытқа шыдас береді деп жоспарланған.