16 шілде күні 15:00-де Астанадағы Әл-Фараби атындағы Оқушылар сарайында бос жұмыс орындары жәрмеңкесі ұйымдастырылады, деп жазады Egemen.kz.
Іс-шараны Алматы ауданы әкімдігі өткізеді.
Жәрмеңкеде түрлі саладағы 80 ұйым 2000-нан астам бос жұмыс орнын ұсынады. Олардың қатарында өндірістік кәсіпорындар, қызмет көрсету саласындағы компаниялар мен білім беру мекемелері бар.
Сондай-ақ, жәрмеңке барысында Joltap бағдарламасының өкілдері, қалалық жұмыспен қамту және әлеуметтік қорғау басқармасы, қаржы ұйымдарының мамандары келушілерге жұмысқа орналасу мен қолдау шаралары туралы кеңес береді.