Қазақстан футзал қауымдастығының президенті қызметіне журналист Нұрсұлтан Құрман тағайындалды. Бұл туралы ұйымның ресми хабарламасында айтылды, деп жазады Egemen.kz.
Нұрсұлтан Құрман 2023–2024 жылдары қауымдастық президентінің орынбасары қызметін атқарған. Ол кезде медиа стратегия мен коммуникация бағыттарына жетекшілік етті.
2025 жылдың қаңтарынан бастап Қазақстан футбол федерациясы президентінің кеңесшісі болды. Мамыр айында ҚФФ Атқарушы комитетінің құрамына енді.
Жаңа президенттің алдында футзал саласындағы ұйымдастыру жұмыстары мен басқару процестерін жалғастыру міндеті тұр.