Мемлекет басшысы Сыбайлас жемқорлыққа қарсы іс-қимыл агенттігінің бұрынғы төрағасы Асхат Жұмағалиға белсенді және нәтижелі жұмысы үшін алғыс білдірді, деп хабарлайды Egemen.kz Ақорданың баспасөз қызметіне сілтеме жасап.
Кеше Қазақстан Президенті Қасым-Жомарт Тоқаев мемлекеттік басқару жүйесін жетілдіруге бағытталған шараларды бекітті. Соған сәйкес, Қазақстан Республикасының Сыбайлас жемқорлыққа қарсы іс-қимыл агенттігі (Антикоррупциялық қызмет) таратылып, Ұлттық қауіпсіздік комитетінің құрамына кірді.
ҰҚК құрылымында жаңа орган – Қазақстан Республикасының Ұлттық қауіпсіздік комитетінің Сыбайлас жемқорлыққа қарсы қызметі құрылады.