Қазақстандық нысана көздеуші Валерий Рахымжан Германияның Мюнхен қаласында өтіп жатқан нысана көздеуден Әлем кубогы кезеңінде күміс жүлдегер атанды, деп хабарлайды Egemen.kz.
Ол 10 метрге пневматикалық тапаншамен ату жарысында ел намысын абыроймен қорғап, финалда 241.9 ұпай жинап, екінші орынға ие болды.
Аталған бағдарлама бойынша жарыстың жеңімпазы – Қытай спортшысы Ху Кай, оның көрсеткіші – 242.3 ұпай. Үшінші орынды Германия өкілі Кристиан Рейтц еншілеген (220.8 ұпай).
Айта кетейік, Валерий Рахымжан іріктеу кезеңінде алтыншы орын алып, финалға өткен болатын.