Премьер-министр бюджет қаржысы мен даму институттарының қаражаты Қазақстан экономикасына жұмыс істеуі керектігін қадап айтты, деп хабарлайды Egemen.kz.
«Мемлекеттік қолдау аласыз ба – онда жергілікті өндірушілерді қолдауыңыз керек. Шетелдің емес, өз еліміздің экономикасын дамытуға үлес қосу – басты талап. Егер бізде өндіріс болмаса, онда локализация бойынша нақты келіссөздер жүргізілуі тиіс», деді Бектенов.
Үкімет басшысы бұл бағытта құқықтық тетіктер әзірленетінін және қатаң қадағалау болатынын жеткізді.