CNN телеарнасының халықаралық тілшісі Ханако Монтгомери 29-30 мамырда Астанада өтетін Astana International Forum панельдік сессияларының модераторы болады.
Ол қазіргі таңда Токиодағы CNN телеарнасының халықаралық тілшісі лауазымын атқарады. Өзі жақында өтетін Астана халықаралық форумын асыға күтіп жүргенін мәлімдеді.
- Мен екі панелдік сессияның модераторы боламын, бірі сауда шектеулері мен санкциялар сияқты экономикалық құралдардың геосаяси күштің қаруы ретінде қалай жиі қолданылып жатқаны туралы.
Мен сондай-ақ Орта дәліз сияқты дамып келе жатқан сауда жолдары жаһандық сауданы қалай өзгертетіні туралы панелдік сессияны да жүргіземін. Мен сіздерді сонда көруге асыға күтемін, - деді спикер.