Колумбияның таулы ауылдарында тұратын балалар үшін мектепке жету – оңай шаруа емес. Жолдағы жартастар мен өзендерді кесіп өту өте қауіпті. Сондықтан жергілікті жұрт балаларының қауіпсіз өтуі үшін ерекше әдіс ойлап тапқан.
Екі таудың арасына болат арқан тартып, оны көлік құралы ретінде пайдаланған. Арқанның бір ұшы ауылда, екіншісі – мектеп тұрған беткейде. Балалар күн сайын арқанға ілініп, аспалы жолмен төмен қарай сырғанап, мектепке жетеді.