2025 жылғы 9 мамыр күні сағат 21:00-де Алматы қаласындағы Абай алаңында Ұлы Жеңістің 80 жылдығына орай ауқымды дрондар шоуы ұйымдастырылады. Шоу Алматы қаласы әкімдігінің қолдауымен ұйымдастырылып отыр, деп хабарлайды Egemen.kz.
Іс-шара барысында 500-ден астам дрон қолданылып, Ұлы Отан соғысының қаһармандары – Мәншүк Мәметова, Әлия Молдағұлова және Бауыржан Момышұлының бейнелері анимациялық түрде аспанда көрсетіледі.
Көрермендерге дрон-шоуды тамашалауға арналған бірнеше алаңдар дайындалған:
Абай алаңы; «Қазақстан» қонақ үйі маңы; Caspian University маңы; Абай даңғылы (Назарбаев пен Достық көшелерінің аралығы)Осыған байланысты 9 мамыр күні сағат 20:30-дан 21:30-ға дейін қала орталығында автокөлік қозғалысына уақытша шектеу енгізіледі. Абай даңғылының Назарбаев даңғылынан Достық даңғылына дейінгі бөлігі, сондай-ақ, Достық даңғылының Құрманғазы көшесінен Сәтбаев көшесіне дейінгі аралығында жол жабылады.