1935 жылдары Италия ғалымдары сүттің құрамындағы ақуыздан ланитал деп аталатын синтетикалық талшық жасап шығарды. Содан бастап бұл материалдан түрлі киім тігіліп, дүкен сөрелерін жаулай бастады.
Ланитал әскери мақсатта көп қолданылған. Оны америкалықтар да өндіріп, жауынгерлерге арнап бас киім тіккен. Алайда 40-жылдардың соңына қарай ланиталдың дәуірі аяқталып, біртіндеп қолданыстан шықты. Себебі сапалы әрі арзан синтетикалық маталар латиналға қарағанда жауын-шашынға төзімді болды.