Оқиға 22 сәуір күні сағат 15:30-да Алматыдағы Трудовая және Әшімов көшелерінің қиылысында болған, деп жазады Egemen.kz.
Toyota көлігінің жүргізушісі шұғыл шақырту сигналы қосылған жедел жәрдем көлігіне жол бермеген. Жүргізуші әйел жауапкершілікке тартылып, алдын алу, түсіндіру жұмыстары жүргізілген.
«Жедел тапсырмаларды орындайтын көліктерге қатысты жүргізу тәртібін сақтау тек заң талабы ғана емес, адам өмірінің мәселесі екенін еске салады. Жолдағы өзін-өзі ұстау мәдениеті - қаладағы қауіпсіздіктің негізі», делінген ІІМ хабарламасында.