Оқиға Орал қаласындағы Брусиловский көшесінде КамАЗ жүк көлігінің қатысуымен болған, деп хабарлайды Egemen.kz.
Қайғылы оқиға сәуірдің 21-і күні кешке орын алған. Полицейлердің мәліметінше, бала жолды тиісті емес жерден кесіп өткен.
«Бала түрлі дене жарақаттарымен облыстық көпсалалы балалар ауруханасына жеткізілді. Аталған факті бойынша қылмыстық іс қозғалды. Оқиғаның мән-жайы анықталып жатыр», деп хабарлады Батыс Қазақстан облысының полиция департаментінен.
Облыстық денсаулық сақтау басқармасы хабарлағандай, бала бас-ми және әртүрлі дене жарақаттарын алған.