Биыл Алматыда әлеуметтік медициналық сақтандыру қоры есебінен қаладағы ерлі-зайыптылар толық прегравидарлы дайындықтан тегін өтеді. Бұл мақсатқа 673 млн теңге бөлініп отыр, деп хабарлайды Egemen.kz.
Бала көтергісі келетін алматылық отбасылар көптеген медициналық қызметтерді тегін алады. Негізгі шарт - сақтандырылған жарнасы уақытылы аударылуы қажет. Жарна тұрақты аударылмаған жағдайда медициналық қызметтердің біраз бөлігі қолжетімсіз болып қалады.
Прегравидарлы кезеңде отбасылық жұптар жүктілікке дейін жан-жақты тексеруден өтеді. Яғни, бұл кезеңде өмірге дені сау бала әкелу үшін заманауи медицина мүмкіндіктері қолжетімді болмақ. Болашақ ата-аналар бұл кезеңде түрлі диагностикалаудан өтеді.