«Alibaba» компаниясының негізін қалаушы Джек Ма бизнес бастамай тұрып, 30 рет жұмысқа орналасуға тырысып, бәрінен «жоқ» деген жауап алған.
Ол түрлі компанияға өтініш жіберіп көрген, бірақ ешқайсысы оны жұмысқа қабылдамаған. Тіпті Қытайға алғаш келген «KFC» компаниясы 24 адамды жұмысқа алған кезде, тек Джек Ма өтпей қалған. Осы сәтсіздіктер оны тоқтатпады. Ол өз бизнесін ашуға бекініп, ақырында «Alibaba» компаниясын құрып, әлемдегі ең бай кәсіпкерлердің қатарына қосылды.