Адамзат өркениетінде түстердің таңдалуы кездейсоқ емес. Байырғы дәуірде көк түс тәңірді, шексіз аспанды білдірсе, бүгінде ол цифрлық ғаламның ең ықпалды желісі «Face-book»-тың рәмізіне айналған. Оның өз құпиясы бар.
«Facebook»-тың негізін қалаушы Марк Цукерберг қызыл мен жасылды ажырата алмайды. Оның көру қабілетіндегі ерекшелік әлемдегі ең танымал әлеуметтік желінің дизайнын қалыптастырды. Яғни Марк үшін көк – ең анық көрінетін түс. Қызығы, психологияда көк түс сенімділік пен тұрақтылықтың белгісі саналады.