14-16 наурыз аралығында Бейжіңде шорт-тректен әлем чемпионаты өтеді, деп жазады Egemen.kz.
Шорт-тректен Қазақстан құрамасының бас бапкері Петр Гамидов халықаралық додада ел намысын қорғайтын спортшылардың тізімін бекітті.
Ұлттық олимпиада комитетінің хабарлауынша, әлем чемпионатына қатысатын шорт-трекшілер қатарына 10 спортшы енген. Олар: Абзал Әжғалиев, Денис Никиша, Әділ Ғалиахметов, Мерсаид Жақсыбаев, Глеб Ивченко, Яна Хан, Зейнеп Құмарқан, Ольга Тихонова, Малика Ермек және Алина Әжғалиева.
Команда 8 наурыз күні Бейжіңге аттанады. Қазір шорт-трекшілер Астанада әлем чемпионатына дайындығын пысықтап жатыр.